అధ్యాయం 6
శ్లోకం 34
చంచలం హి మనః కృష్ణ ప్రమాథి బలవద్దృఢమ్|
తస్యాహం నిగ్రహం మన్యే వాయోరివ సుదుష్కరమ్||
అర్దం:-
ఓ కృష్ణ! ఈ మనస్సు మిక్కిలి చంచలమైనది. ప్రమథనశీలమైనది. దృఢమైనది. మిక్కిలి బలీయమైనది. కనుక, దానిని నిగ్రహించుట గాలిని ఆపుటనివలె మిక్కిలి దుష్కరమని భావింతును.
అధ్యాయం 6
శ్లోకం 33
అర్జునా ఉవాచ
యోయం యోగస్త్యయా ప్రోక్తః సామ్యేన మదుసూదన |
ఏతస్యాహం న పశ్యామి చంచలత్వాత్ స్థితిం స్థిరామ్ ||
అర్ధం :-
అర్జునుడు పలికెను :-
ఓ మధుసూదనా! సమభావమును గూర్చి చెప్పిన ఈ యోగముయొక్క స్థిరస్థితిని మనశ్చాంచల్యకారణమున తెలిసికొనలేకున్నాను.
అధ్యాయం 6
శ్లోకం 32
ఆత్మౌపమ్యేన సర్వత్ర సమం పశ్యతి యోర్జున |
సుఖం వా యాది వా దుఃఖం స యోగీ పరమో మతః||
అర్ధం :-
ఓ అర్జునా! సర్వప్రాణులను తనవలె(తనతో) సమానముగా చూచువాడును, సుఖమునుగాని, దుఃఖమునుగాని సమముగా చూచువాడును(ఇతరుల సుఖ దుఃఖములను తన సుఖదుఃఖములుగా భావించువాడును) అయిన యోగి పరమశ్రేష్ఠుడు.
అధ్యాయం 6
శ్లోకం 31
సర్వభూతస్థితం యో మాం భజత్యేకత్వమాస్థితః|
సర్వథా వర్తమానో పి స యోగీ మయి వర్తతే||
అర్ధం :-
భగవంతునియందు ఏకీభావస్థితుడైనపురుషుడు సర్వభూతముల యందును ఆత్మరూపముననున్న సచ్చిదానందఘనవాసుదేవుడనైయున్న నన్ను భజించును. అట్టి యోగి సర్వథసర్వవ్యవహరములయందు ప్రవర్తించుచున్నను నాయందే ప్రవర్తించుచుండును.
అధ్యాయం 6
శ్లోకం 30
యో మాం పశ్యతి సర్వత్ర చ మయి పశ్యతి |
తస్యాహం న ప్రణశ్యామి స చ మే న ప్రణశ్యతి||
అర్ధం :-
సకల ప్రాణులయందును ఆత్మరూపముననున్న నన్ను (వాసుదేవుని) చూచుపురుషునకు, అట్లే ప్రాణులన్నింటిని నాయందు అంతర్గతములుగా నున్నట్లు చూచువానికి, నేను అదృశ్యుడను కాను. ఆతడును నాకు అదృశ్యుడు కాడు.
రామాయణ కాలంలో ఉన్న ఎందరు మహానుభావులు మహాభారతంలో కూడా కనిపించారు. 1. పరశురాముడు = ఈయన రామాయణంలోను మహాభారతంలోను కనిపించారు. రామాయణంలో రా...
