భగవద్గీత

అథ షష్టో ద్యాయః - ఆత్మసంయమయోగః 

శ్లోకం 1

శ్రీ భగవాన్ ఉవాచ 

అనాశ్రితః కర్మఫలం కార్యం కర్మ కరోతి యః |

స సన్న్యాసి చ యోగీ చ ననిరగ్నిర్నచాక్రియః ||

అర్ధం :-

భగవానుడు పలికెను :-

కర్మఫలమును ఆశ్రయింపక కర్తవ్యకర్మలను ఆచరించువాడే నిజమైన సన్న్యాసి, నిజమైన యోగి. కానీ, కేవలము అగ్నికార్యములను త్యజించినంతమాత్రమున సన్న్యాసియుకాదు. 

భగవద్గీత

అధ్యాయం 5

శ్లోకం 29

భోక్తారం యజ్ఞతపసాం సర్వలోకమహేశ్వరమ్ |

సుహృదం సర్వభూతానాం జ్ఞాత్వా మాం శాంతిమృఛ్చాతి ||

ఓమ్ తత్సదితి శ్రీమద్భగవద్గితాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జునసంవాదే కర్మసన్న్యసయోగోనామ పంచమోధ్యాయః ||5||

అర్ధం :-

భగవంతుడు యజ్ఞములకును, తపస్సులకును భోక్త. సమస్తలోకములకును, లోకేశ్వరులకును అధిపతి. సమస్తప్రాణులకును ఆత్మీయుడు. అనగా - అవ్యాజాదయాళువు. పరమప్రేమస్వరూపుడి. ఈ భగవత్తత్త్వమును ఎఱిగిన భక్తునకు పరమ శాంతి లభించును. 

భగవద్గీత

అధ్యాయం 5

శ్లోకం 28

యతేంద్రియమనోభుద్దిః మునిర్మోక్షపరాయణః |

విగతేచ్ఛాభయక్రోధో యః సదా ముక్త ఏవ సః ||

అర్ధం :-

ఈ ప్రక్రియల ప్రభవమున మనస్సు, బుద్ది, ఇంద్రియములు సాదకుని వశములోనికి వచ్చును. ఇట్టి సాదనవలన మొక్షపరాయణుడైన ముని ఇచ్చాభయక్రోధరహితుడై సదా ముక్తుడగును. 

భగవద్గీత

అధ్యాయం 5

శ్లోకం 27

స్పర్శన్ కృత్వా బహిర్భాహ్యాన్ చక్షుశ్చైవాంతరే భ్రునోః|

ప్రాణాపానౌ సమౌ కృత్వా నాసాభ్యంతరచారిణౌ||

అర్ధం :-

బహ్యవిషయభోగములను చింతనచేయక వాటిని పారద్రోలవలెను. దృష్టిని భ్రూమధ్యమునందు స్థిరముగా ఉమ్చవలెను. ణాసికయందు ప్రసరించుచున్న ప్రాణాపానవాయువులను సమస్థితిలో నడుపవలెను. 

భగవద్గీత

అధ్యాయం 5

శ్లోకం 26

కామక్రోధావియుక్తానాం యతీనాంయతచేతసామ్ |

అభితో బ్రహ్మనిర్వాణం వర్తతే ధీతాత్మనామ్ ||

అర్ధం :-

కామక్రోధరహితులును, చిత్తవృత్తులనుజయించినవారును అయి, పరబ్రహ్మపరమాత్మ సాక్షాత్కారమును పొందిన జ్ఞానులకు అంతటను శాంతపరబ్రహ్మపరమాత్మయే గోచరించును. 

భగవద్గీత

అధ్యాయం 5

శ్లోకం 25

లభంతే బ్రహ్మనిర్వణమ్ ఋషయః క్షీణకల్మషాః|

ఛిన్నద్వైధా యతాత్మనః సర్వభూతరహితే రతాః||

అర్ధం :-

పాపరహితులును, జ్ఞానప్రభావమున సమస్తసంశయములనివృత్తిని సాధించినవారును, సర్వప్రాణులహితమును గోరువారును, నిశ్చలస్థితితో మనస్సును పరమాత్మయందు లగ్నముచేసినవారును అగు బ్రహ్మవేత్తలు బ్రహ్మనిర్వణమును పొందుదురు.

భగవద్గీత

అధ్యాయం 5

శ్లోకం 24

యోంతఃసుఖోంతరారామః తథాంతర్జ్యోతిరేవ యః |

స యోగీ బ్రహ్మనిర్వణమ్ బ్రహ్మభూతోధిగఛ్ఛతి||

అర్ధం :-

ఆంతరాత్మ యందే సుఖించువాడును, ఆత్మయందే రమించు  వాడును, ఆత్మజ్ఞనియైనవాడును అగు సాంఖ్యయోగి, సచ్ఛిదానంద ఘనపరబ్రహ్మ పరమాత్మ యందు ఏకీభావస్థితుడై, బ్రహ్మనిర్వణమును పొందును.