భగవద్గీత-అధ్యాయం2-శ్లోకం25

అధ్యాయం 2

శ్లోకం 25

అవ్యక్తో యమచింత్యో యమ్ అవికార్యో యముచ్యతే |

తస్మాదేవం విదిత్వైనం నానుశోచితుమర్హసి ||

అర్ధం :-

ఈ అత్మ అవ్యక్తమైనది. అచింత్యము వికారములు లేనిది. దీనిని గూర్చి ఇట్లు తెలిసికొనుము.

భగవద్గీత-అధ్యాయం2-శ్లోకం24

అధ్యాయం 2

శ్లోకం 24

అచ్చేద్యో యమదాహ్యో యమ్ అక్లేద్యో శోష్య ఏవ చ |

నిత్యః సర్వగతః స్థాణుః అచలో యం సనాతనః |

అర్ధం :-

ఈ ఆత్మ చేదించుటకును, తడుపుటకును, శోషింపజేయుటకును, సాధ్యము కానిది. ఇది నిత్యము. సర్వవ్యాపి, చలింపనిది స్థాణువు సనాతనము.    

భగవద్గీత-అధ్యాయం2-శ్లోకం23

అధ్యాయం 2

శ్లోకం 23

నైనం ఛిందంతి శస్త్రాణి నైనం దహతిపావక |

న చైనం క్లేదయంత్యాపో న శోషయతి మారుతః ||

అర్ధం :-

ఈ ఆత్మను శస్త్రములు ఛేదింపజాలవు. అగ్ని దహింపజాలదు. నీరు తడుపజాలదు. వాయువు ఆరిపోవునట్లు చేయజాలదు.

భగవద్గీత-అధ్యాయం2-శ్లోకం22

అధ్యాయం 2

శ్లోకం 22

వాసాంసి జీర్ణాని యథా విహాయ నవాని గృహ్లాతి నరో సరాణి |

తథా శరీరాణి విహయ జీర్ణాన్యన్యాని సంయాతి నవాని దేహీ ||

అర్ధం :-

మానవుడు జీర్ణవస్త్రములను త్యజించి, నూతన వస్త్రములను ధరించినట్లు, జీవాత్మ  ప్రాతశరీరములను వీడి నూతనశరీరములను పొందును.

భగవద్గీత-అధ్యాయం2-శ్లోకం21

అధ్యాయం 2

శ్లోకం 21

వేదావినాశినం నిత్యం య ఏనమజమవ్యయమ్ |

కథం స పురుషః పార్థ కం ఘాతయతి హంతి కమ్ |

అర్ధం :-

ఓ పార్థా !  ఈ ఆత్మ నాశరహితము,నిత్యము అనియు,జననమరణములు లేనిదనియు, మార్పులేనిదనియు తెలిసికొనిన పురుషుడు ఎవరిని ఎట్లు చంపించును?ఎవరిని ఎట్లు చంపును?

భగవద్గీత-అధ్యాయం2-శ్లోకం20

అధ్యాయం 2

శ్లోకం 20

న జాయతే మ్రియతే నాకదాచిత్ నాయం భూత్వా భవితా వా న భూయ |

అజో నిత్యః శాశ్వతోయం పురాణో న హన్యతే హన్యమానే శరీరే ||

అర్ధం :-

ఈ ఆత్మ ఏ కాలమునందును పుట్టదు, గిట్టదు. పుట్టి ఉండునది కాదు. ఇది భవ వికారములు లేనిది. ఇది జన్మ లేనిది. నిత్యము, శాశ్వతము, పురాతనము. శరీరము నశిస్తుంది. ఆత్మ నశించదు.

భగవద్గీత-అధ్యాయం2-శ్లోకం19

అధ్యాయం 2

శ్లోకం 19

య ఏనం వేత్తి హంతారం యశ్సైనం మన్యతే హతమ్ 

ఉభౌ తౌన విజానీతో నాయం హంతి నహన్యతే ||

అర్ధం :-

ఆత్మ ఇతరులను చంపునని భావించువాడును, ఆత్మ ఇతరులచే చంపబడునని భావించువాడును, ఆ ఇద్దరును అజ్ఞానులే.ఏలననగా, వాస్తవముగా ఆత్మ ఎవ్వరినీ చంపదు, ఎవ్వరిచేతను చంపబడదు.